Neste libro aparecen os 12 protagonistas da primeira tempada da súa webserie homónima, todos eles persoas maiores do rural con vidas inspiradoras, como a da arzuá Cecilia Camiño (a de Manoliño), a do santiagués Cándido Pazos, ou a de Pilucha e Juan da taberna Ou Piolo (en Gonte, Negreira). A publicación é unha homenaxe ás mentes creativas e nela trata de trasladar todo o que sentiu ao entrar nestes fogares, dando voz á experiencia e deténdose nos valores que neles transmítense.

RUBÉN RODRÍGUEZ RODRÍGUEZ (Riós, 1980). Actor, director, produtor, ideólogo e activista social, coñecido artisticamente como Rubén Riós, tras cursar Arte Dramática en Vigo, traballou como actor en series de televisión como Libro de familia, Matalobos, Piratas, Urxencia cero e Auga seca, e no cinema en títulos como Pradolongo e Vilamor.

En 2007 crea a produtora Claqueta Coqueta, coa que dirixe curtametraxes como "Adeus Edrada" e "Coser e Cantar" (galardoados cos Premios Mestre Mateo 2008 e 2010), entre outras. En 2013, por mor do curtametraxe "Vida" e o documental "Máis ca vida", crea o método, pioneiro a nivel europeo, MÁIS CA VIDA RR, que utiliza o cinema como ferramenta de inclusión social e laboral para colectivos vulnerables, proxecto que mereceu o Premio PrixCircom.